Шалқар өңірінің інжу-маржаны саналатын Шалқар көлінің түбінде батпақ қабаттары мен шөгінділердің, айналасында ну қамыстың пайда болуы, көлдің тартылуы ел назарының алаңдатушылығын туғызған болатын. Осы жылы маңызды мәселе өзінің оң шешімін тауып, қазіргі таңда «ТОLAGAI-2050» ЖШС тарапынан тазалау жұмыстары жүргізілуде. Шалқардың тарихының бастауы саналатын айдынды көлімізде атқарылып жатқан шараларға Шалқар аудандық тарихи-өлкетану музейі қызметкерлері өз көздерімен шолу жасап, көкейлерінде жүрген сан-сауалға жауап тапты.